De Cabaret Batter Séiss presentéiert:
säi Cabaret ’s-Owend 2025
“DAT KANN DACH NET SINN!”

Et ass einfach verréckt, wat alles esou an onser Zäit passéiert. Net nëmmen an der Politik, sief dat weltwäit, national oder och ronderëm de Kierchtuerm, ginn di komeschste Geschichte gebueden. Do gëtt net just geriet, et gëtt och gelunn, erfonnt, geflunkert, palavert a gesabbelt. A wat méi derniewent a falsch, wat d’Leit et anscheinend léiwer hunn. Déi Impressioun huet een zumindest emol a wéi oft huet ee scho gesot: “Dat kann dach net sinn!”.

Och am Alldag geet et oft drënner an driwwer. An der Famill, mat de Frënn, am Verkéier, op Facebook oder soss iergendwou am Internet, an d’Lëscht ass laang. Et gi Saache gemaach, gesot, behaapt, et gëtt gestridden, sech zermault, ee mécht deem aner Frechheeten, et gëtt dichteg beleidegt, gemobbt, an nach villes méi. An da kennt och nach de Poopst en Espresso an d’Ënnescht Gaass drénken. Ass dat ons Gesellschaft wierklech? “Dat kann dach net sinn!” Et ass se mat Sécherheet och, mee net nëmmen. Et gi bestëmmt och méi witzeg Geschichten! An de Batter Séiss befaasst sech an éischter Linn mat dëse Geschichten. Driwwer laachen ass definitiv besser wéi driwwer ze kräischen, och wann dat dacks di richteg Reaktioun drop wär.

Mat Texter a Lidder beschäftegt sech de Batter Séiss op seng gewinnte witzeg Aart a Weis mat dësen Thematiken. Et ass dem Ensembel säin 13. Programm, deen ënnert der Regie vum Rob Wagner steet a vun den Actrice , Maryse Dondelinger a Vicky Wagner zesumme mat den Acteuren Thierry Feiereisen a Rob Wagner gespillt gëtt. D’ Texter vun de Sketcher an de Lidder sinn zum groussen Deel vum Cabaret Batter Séiss selwer a goufe geschriwwe vum Vicky a vum Rob Wagner. De Programm ass wéi gewinnt an zwee Deeler an all Deel dauert ronn eng Stonn. Wann och Dir wëllt de Cabaret Batter Séiss mat hirem Programm “Dat kann dach net sinn!” bei Iech alueden, da waart net ze laang fir ze buchen.

All noutwenneg Informatioune krit Dir gären iwwert den Telefon: +352 621 17 62 35 oder op info@batterseiss.lu

Kontakt

info@batterseiss.lu
+352 621 17 62 35

Dates de spectacles à venir

  • 24 Oktober
    2025

    Réiserbann

    De Foyer de la femme, Réiserbann invitéiert op hire Cabaretowend am Centre Culturel zu Béiweng.

    Entrée: 22€
    Rideau: 20 Auer

    Reservatioun:
    Mme Amanda Houtsch: felicie.kirsch@eltrona.net / 691 365 380

     

  • 15 November
    2025

    Äischen

    D‘Kulturkommissioun Gemeng Habscht invitéiert op hire Cabaretowend, de 15. November 2025 zu Äischen am Centre culturel Jean Wolff - Place Denn.

    Entrée: 15€ (gratis fir Kulturpass a bis 16 Joer inkl.)
    Rideau: 20 Auer

    Reservatioun:
    • Nello Zigrand: zigrandnello@gmail.com / 661 606 172
    • Kevin Hermann: kevin.hermann1994@gmail.com / 621 495 823

    Fir Iessen a Gedrénks ass gesuergt
    de Comptoir gëtt vun den Äischener Bühnerocker gemaach

     

  • 22 November
    2025

    Frisange

    D‘Fréisenger Musek invitéiert op hire Cabaretowend, den 22. November 2025
    am Centre sportif „Romain Schroeder“
    10, Munnerëferstrooss, L-5750 Frisange

    Buvette an Iessen: ab 18:30 Auer Rideau: 20 Auer
    Entrée: 15€ (gratis < 12 Joer)

    Reservatioun:
    pelzerjeanny@gmx.de / 621 226 252 | danielacordella@gmail.com

     

Dates de spectacles passées

  • 28 Februar
    2025

    PREMIERE zu Märel den 28. Februar 2025 Rido 20.00 Auer

    Home St Gengoul zu Märel vis-à-vis vun der Kierch.
    Organisator: Les Amis de Piraja.
    Entrée: 20 Euro
    Reservatioun iwwer Telefon bei der Mme Schommer 621 230 063 oder Billjeten an der Oweskees um 19Auer

     

  • 7 Mäerz
    2025

    Stengefort

    an der Aler Schmelz de 7. Mäerz
    Rido 20.00 Auer
    Organisator: Gemeng Stengefort

     

  • 8 Mäerz
    2025

    Péiteng - Samschdeg, 8. Mäerz

    Rido 20.00
    Reservatioun iwwert : info@konschtmillen.lu

     

  • 25 Abrëll
    2025

    Consdorf - Freides, 25. Abrëll

    Centre Polyvalent "Kuerzwénkel" zu Consdorf
    Organisator: Soroptimist International Club Echternach
    Cabaret mat Iessen: 39,50 Euro
    Reservatioun: soroptimist.club.echternach@gmail.com
    Umeldung (virum 15. Abrëll) Club Soroptimist Echternach LU38 0023 1186 3030 0000

     

  • 26 Abrëll
    2025

    Bartreng „A Schwall‘s“ - Samschdeg, 26. Abrëll

     
     

  • 17 Mee
    2025

    Réiden “Restaurant l'Inouï” - Samschdeg, 17. Mee

    L'Inouï - 67, Grand Rue - L-8510 Rédange-sur-Attert
    Rido 20.00 Auer
    Reservatioun: 26 72 08 61

     

  • 14 August
    2025

    OP DER MILLEN, 18h30

    mat flotte Lidder, Sketcher a Witzer ass d'gudd Stëmmung garantéiert 
    de 14ten August ab 18h30
    mam Cabaret Batter Séiss

    E gutt Schluechtbriet get et och dobäi - d'Gedrenks versteet sech vum selwen -  daat ganzt fir 35€ op de Kapp (Entrée fir dëse Spektakel an d'Schluechtbriet)

    Falls dir wellt Deel vun desem memorablen Owend sin.

    Reserviert weg Ären Dësch iwwer facebook
    oder per mail um info@echternacher-brauerei.lu

     

Newsletter

 

Fir di neisten Informatiounen ze kréien iwwert de Cabaret Batter Séiss, säin aktuelle Programm a seng Optrëtter, schreift Iech an fir automatesch d'Batter Séiss Newsletter ze kréien.

Intuit Mailchimp